Skip to content

February 29, 2012

الحمار الخادم !!

by johnanton

ليه بنبـــــــص ع الحمار …………… و كأنه لا مؤاخذة حمار
اتامل فيه شوية و اتعلم …………… منه فضايل تخليك تحتار

عمرك شفت حمار متكبر …………… وخداه الجلالة لفوق ، و اتغر
طب شفته وقت المديح اتأثر …………… أو وقت الإهانة تلاقيه اتضر

شفته لما يــــــــجر شـــيلة …………… تفوق طاقته لكن يستحمل
شفت لما العربجى يديله …………… بالكرباج لما بيتدهول

شفت لما استحمل ضربه …………… و همه يعمل ما فى وسعه
و البرسيم اللى يتقدم له …………… ياكله شاكر كأنه رزقه

طب شفت حمار راكبه ملك …………… فكر يللا و قوللى قوام
أيوة ، المسيح لما دخــل …………… أورشليم بكل الإكرام

الحمار عمره ما فكر إن …………… الاستقبال الحافل ده ليه
ده للملك اللى هو شايله …………… فرحوا و فرشوا هدوم تحتيه

لا همه كرامة و لا سماع مديح …………… همه يشيل الملك المسيح
ده هو مخلـــــــصنا الصــــــالح …………… و ده اللى يفرح قلبه صحيح

فهـــــمت لما داود قال …………… صرت كبهيم عندك
يعنى خــــــليك زى حمار …………… و بلاش فزلكتك أو عِندَك

لو زعلوك و أهانوا كرامتك …………… قول “ كبهيم عندك “
لو مدحوا فيك و بانت عظامتك …………… قول “ كبهيم عندك “

زموا .. شتموا .. أهانوا هيبتك …………… قول “ كبهيم عندك “
فرحوا و فهموا بأسلوب شرحك …………… قول “ كبهيم عندك “

طلعوا فيك القطط الفطسة …………… قول “ كبهيم عندك “
يخافوا عليك من أقل عطسة …………… قول “ كبهيم عندك “

قدَّروا جهدك و كمان أتعابك …………… قول “ كبهيم عندك “
ماسألوش فيك لو حتى أحبابك …………… قول “ كبهيم عندك “

و كل لما تشوف حمار …………… راجع كلامى و فكر فيه
و اتعلم من صفاته الحلوة …………… و اسمه مش راح نشتم بيه 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Note: HTML is allowed. Your email address will never be published.

Subscribe to comments

%d bloggers like this: